Shefi i Grupit Parlamentar të LDK-së, Arben Gashi, ka deklaruar se është çështje individuale e deputetëve të partisë nëse duan të marrin kompensimin për udhëtimet e tyre në seanca parlamentare dhe komisione.

Ai ka bërë me dije se këtë veprim nuk mund t’ua imponojë Grupi Parlamentar.

“S’është çështje e vendimit të Grupit Parlamentar kjo, është çështje e vendimeve individuale e deputetëve, atyre pse ju takon është e drejtë e tyre nëse duan me shfrytëzu të drejtën apo jo. Nuk mundem unë me ua imponu me vendim të grupit parlamentar, mendoj se është shkelje e të drejtave të tyre nëse unë ua imponoj. Vetëvendosja është parti e mendimit të masave kolektive që nuk përshtatet me mendimin politik të LDK-së. Vendimet janë individuale dhe përgjegjësia është individuale në këtë rast”, ka deklaruar  Gashi për Gazetën Express.