Kryeministri i Kosovës, Albin Kurti është takuar sot në Antalia të Turqisë me emisarin e BE-së për dialogun, Miroslav Lajçak.

Këtë e ka bërë të ditur vet Lajçaku me anë të një postimi në llogarinë e vet në Twitter.

Ai ka thënë se me Kurtin ka pasur një “diskutim të dobishëm” për hapat e radhës për ta çuar përpara agjendën e përbashkët në rrethanat aktuale.

“Sot në mëngjes në Antalia pata një diskutim të dobishëm me kryeministrin e Kosovës, Albin Kurti për hapat konkret të ardhshëm për të çuar përpara agjendën tonë të përbashkët në rrethanat aktuale”, shkruajti Lajçak.