Kryetari i Komunës së Gjilanit, Alban Hyseni, së bashku me nënkryetaren Leonora Morina-Bunjaku, kanë pritur në takim zëvendëskomandantin e Komandës Rajonale Lindje, lejtnant Eddy Simpson dhe përfaqësues të KFOR-it.

Në këtë takim me karakter njoftues, përveç sigurisë dhe zhvillimeve të përgjithshme në Komunën e Gjilanit është diskutuar rreth planeve dhe të arriturave në arsim, shëndetësi, ekonomi dhe në fusha të tjera.

“Në emër të qytetarëve, i falënderova për kontributin e vazhdueshëm të KFOR-it në sigurimin e paqes dhe stabilitetit në vendin tonë, i cili është një parakusht për prosperitet. Ata shprehën gatishmërinë për bashkëpunim dhe komunikim të mëtutjeshëm”, ka thënë Alban Hyseni.