Deputeti i Partisë Demokratike të Kosovës (PDK), Bekim Haxhiu, ka thënë të mërkurën gjatë seancës së Kuvendit se opozita nuk e ka gjuajtur me vezë kryeministrin Albin Kurti siç kishte vepruar ai ndaj Isa Mustafës në vitin 2015.

Haxhiu ka theksuar se marrëveshja e 21 qershorit për energjinë është e njëjta me atë të vitit 2013.

“Nuk të gjuajtëm me vezë sikur ti që e ke gjuajtur Isa Mustafën, por ta argumentuam se marrëveshja është e njëjta”, ka thënë Haxhiu.

Më tutje, Haxhiu i ka thënë Kurtit se gjatë kësaj kohe ka ndodhur tri protesta të punëtorëve shëndetësorë, duke kërkuar nga ai ta ketë vëmendjen ndaj krizës sociale në vend.