Njësitet antikontrabandë të Doganës së Kosovës në veri të Mitrovicës kanë parandaluar kontrabandimin e vajit ushqimor në sasi prej 900 litrave.

Lajmin e ka bërë me dije Dogana e Kosovës nëpërmjet një njoftimi për media.

Vaji i kontrabanduar me origjinë nga Serbia është gjetur në një automjet transportues në fshatin Zubq.

Mallrat janë konfiskuar si dhe ka filluar procedura kundërvajtëse.