Bordi i MCC-së aprovon 236.7 milionë dollarë për Kosovën, reagojnë Kurti dhe Rizvanolli
Kryeministri i Kosovës, Albin Kurti, ka njoftuar se Korporata e Mijëvjeçarit (MCC) ka aprovuar marrëveshjen e kompaktit për Kosovën në vlerë prej 236. 7 milionë dollarësh.
Kurti ka thënë se ky do të jetë investimi më i madh energjetik që ka ndodhur në Kosovë deri sot.
“Do të ndihmojë në vendosjen e themeleve për trancizionin tonë të energjisë. Falënderime të veçanta për dy ekipet tona për punë e shkëlqyer. Miqtë, partnerët, Aleatët”, ka shkruar në llogarinë e vet në “Twitter”.
Grateful for @MCCgov Board decision to approve the $236.7M Compact agreement. This is the largest energy investment in ?? to date. It will help lay the foundation for our just energy transition. Special thanks to both our teams for the great work. Friends. Partners. Allies. ????
— Albin Kurti (@albinkurti) July 1, 2022
Edhe ministrja Artane Rizvanolli, ka reaguar, duke e ka konsideruar këtë vendim si lajm të mrekullueshëm.
“Lajm i mrekullueshëm nga Shtetet e Bashkuara të Amerikës! Bordi i drejtorëve të Korporatës së Sfidës së Mijëvjeçarit (MCC) kanë aprovuar Programin Kompakt të Kosovës me vlerë prej 236.7 milionë dollarësh – investimi më i madh në sektorin e energjisë të Kosovës, si dhe një gur themel që mundëson tranzicionin tonë energjetik. Jam falënderuese ndaj ekipeve të Shteteve të Bashkuara të Amerikës dhe të Kosovës, krenare me ekipin e Kosovës, si dhe e nderuar që kam udhëhequr këto negociata!”, ka shkruar ajo.