Daçiqi: Serbinë e pret një ‘marsh i rëndë diplomatik’

31 tetor 2022 | 16:39

Serbia përballet me një “marsh të rënd diplomatik” për punën e Kosovës, ka thënë të hënën shefi i diplomacisë serbe Ivica Daçiq, duke pohuar se Kosova nuk dëshiron të anëtarësohet në Organizatën e Kombeve të Bashkuara (OKB) si Palestina.

Daçiqi, i cili pas mandatit të tij si kryetar i parlamentit serb në qeverinë e re është rikthyer në postin e ministrit të Punëve të Jashtme, ka thënë se Serbia nga vendet lidere të Perëndimit, në krye me ShBA-në, po merr mesazhe gjithnjë e më të qarta se është koha për zgjidhje të përhershme të problemeve me Kosovën.

“Në Asamblenë e Përgjithshme të OKB-së, nga 193 anëtarë, Kosova nuk mund të marrë më shumë se 83 vota”, ka thënë Daçiqi në një intervistë për mediumin pro-qeveritar “TV Happy”.

Ai ka thënë se “ka raste të ndryshme”, nga të cilat “katër shtete e kanë njohur, por nuk e votojnë Kosovën”, dhe se “ka edhe vende që ndryshojnë qëndrim çdo gjashtë muaj”.

Lajme të sponsorizuara

Të fundit
Nesër (e martë) pritet që të hyjnë në fuqi masat…