Franca eliminon Poloninë
04 dhjetor 2022
| 18:05
Franca ka eliminuar Poloninë me rezultat 3-1 nga Kampionati Botëror “Katar 2022”, duke kaluar kështu në çerekfinale.
Olivier Giroud ishte ai që hapi serinë e golave, duke shënuar në minutën e 44’.
Goditjen finale për polakët e dha Kylian Mbappe, i cili shënoi dy gola në 20 minutat e fundit. E para erdhi në minutën e 74’. Tjetra u shënua në minutën e 90+1′.
Ndërkaq, rezultati final u vulos nga Robert Lewandowski, i cili shënoi nga penalltia në minutën 90+8′.
Në çerekfinale, Franca do të përballet me fituesin e duelit Angli-Senegal, që zhvillohet sonte nga ora 20:00.