Kristjan Asllani u bë protagonist në kualifikimin e Interit pas kohës shtesë ndaj Parmës. Mesfushori 20-vjeçar luajti plot 120 minuta në përballjen kundër Parmës, ndërkohë që pas sfidës u shpreh i kënaqur pwr paraqitjen dhe kualifikimin.

“Jemi të lumtur për kualifikimin në fazën tjetër. Jam i kënaqur që u dhashë një dorë shokëve të mi të ekipit. Gjithmonë jam përpjekur të jap më të mirën time për klubin ku luaj. Ne erdhëm nga një pjesë e parë e nënshtruar, por gjithmonë e zotëruam topin. Parma u mbrojt mirë, fati ynë ishte që gjetëm golin në fund. Pas golit të pësuar ata ulën ritmin dhe gjeta më shumë hapësirë në lojë”, ka deklaruar Asllani.