Drejtori i klubit të futbollit Ballkani, i ftuar në emisionin “EKIPI A” në ATV, ka deklaruar që janë disa klube që po interesohen për lojtarët e tyre.

“Për disa lojtarë ka interesim, sepse paraqitja e tyre në kombëtare iu ka ndihmuar shumë. Nuk po e zbulojë cilat klubet, por janë nga kampionate shumë të rëndësishme”, ka thënë Bunjaku.

Po ashtu drejtori i Ballkanit tregoi që klubi nga Suhareka do të shkojë në stadiumin ‘Maksimir’ të Zagrebit për të fituar ndeshjen përballë Dinamos dhe kështu do të siguronte kalimin e grupit në Ligën e Konferencës.

“Jemi duke luftuar në gjitha frontet, ne e kemi një ndeshje të vështirë përballë Dinamo Zagrebit, por do të shkojmë për fitore dhe shpresojmë në një rezultat jo të mirë të Astanës”, ka deklaruar Bunjaku.