Ish-ministri i Punëve të Jashtme, politikani Enver Hoxhaj, së bashku me bashkëpartiakë ka nderuar sot në Rahovec sakrificën dhe guximin e heronjve të rënë për lirinë e vendit tonë, 26 vite më parë.

“Shkuam për nderime te shtatoret e Tonit dhe Micit dhe te Kopshti i Dëshmorëve në Rahovec. Me respekt të thellë bëmë nderime edhe te kulla e Xhelal Hajda – Tonit, Selajdin Mullabazi – Mici, Hamdi Hajrizi, Bektesh Haliti dhe Nezir Imeri, në fshatin Opterushë. Përherë në zemrat tona, të pavdekshëm përmes veprës së tyre heroike. Lavdi!”, ka shkruar Hoxhaj në “Facebook”.