Aleanca për Ardhmërinë e Kosovës (AAK) ka dorëzuar në Gjykatën Supreme ankesën në lidhje me vendimin e Panelit Zgjedhor për Ankesa dhe Parashtresa (PZAP) për të moscertifikimin e kandidatëve për deputetë që kanë pasur probleme me ligjin.

Kushtrim Xhemaili, nga Zyra për Informim e AAK-së, ka konfirmuar për “Radion Evropa e Lirë” se kjo parti e ka dërguar në Gjykatën Supreme ankesën lidhur me vendimin e PZAP-së në lidhje me moscertifikimin e kandidatëve.

Megjithatë, ai nuk ka dhënë më shumë detaje lidhur me përmbajtjen e ankesës.