Abdixhiku: 17 tetorin do ta kujtojmë me krenari

19 tetor 2021 | 11:44

Kryetari i LDK-së, Lumir Abdixhiku, ka komentuar procesin zgjedhor të 17 tetorit.

Ai ka uruar kandidatët e gjitha subjekteve politike për maturinë  e treguar në fushatë dhe ditën e zgjedhjeve.

Abdixhiku është shprehur i kënaqur me rezultatin e arritur nga LDK-ja.

Në profilin e tij në “Facebook”, ai ka shkruar se kjo parti 17 tetorit do ta kujtojë me krenari.

“Si LDK, 17 tetorin do ta kujtojmë me krenari; siç e kujtojmë 14 shkurtin si mësim. Njerëzit e Kosovës na vlerësojnë kur jemi të drejtë, siç na largohen kur s’jemi të tillë – dhe kjo është vlera më e mirë e demokracisë”, ka shkruar ai.

Postimi i plotë i Abdixhikut:

Procesi zgjedhor përfundoj, e po përfundon edhe numërimi zyrtar i votave të fundit të rregullta e me kusht padallim.

Si vend treguam maturi demokratike, në votim, organizim e pranim të rezultateve. Një standard që e marrim si të qenë por që në thelb është vlerë. Fitues, për këtë, jemi të gjithë.

I uroj të gjithë kandidatët e të gjitha partive për fushatën e bërë; në veçanti i uroj të gjithë fituesit e deritanishëm – me shpresë shumë se do të shërbejnë me dinjitet e përkushtim ndaj secilit qytetar në komunat tona e të tyre padallim.

Si LDK, 17 tetorin do ta kujtojmë me krenari; siç e kujtojmë 14 shkurtin si mësim. Njerëzit e Kosovës na vlerësojnë kur jemi të drejtë, siç na largohen kur s’jemi të tillë – dhe kjo është vlera më e mirë e demokracisë.

Veprimtarët tanë i falënderoj për rezultatin e arritur. Një rikthim vërtetë i madh. Vend për mburrje, festë e garë fituesish s’ka. Mbështetja për ne s’është kundër askujt tjetër. Prandaj të punojmë për raundin e ri; e të qëndrojmë kokëulur por krenarë përballë qytetarëve tanë. Besimin e tyre duhet ta kujdestarojmë me plot kujdes si në pushtet ashtu dhe në opozitë. Politikën duhet ta shohim vetëm si përgjegjësi.

Lajme të sponsorizuara

Të fundit
Balerina e njohur shqiptare, Klaudia Pepa, ka disa vite që…