Kryetari i Federatës së Futbollit të Kosovës (FFK), Agim Ademi për ATV, ka deklaruar që në të ardhmen Kosovës mund t`i bashkohen edhe lojtarët nga Shqipëria.

I pari i FFK-së ka thënë që edhe Kosova do të shikon mundësinë që të afrojë lojtarë nga Shqipëria.

“Çdo moment që neve që na duhet ose na konvenon për ekipin kombëtar, ne do të marrim lojtarë, këtu nuk bën përjashtim as Shqipëria. Në kombëtare do të afrohen vetëm lojtarët më të mirë”, ka thënë Ademi. Deri më tash te Kosova janë ftuar futbollistë edhe nga trojet tjera shqiptare.