Kryetari i Komunës së Prishtinës, Shpend Ahmeti, ka pritur në takim administratorin e USAID-it, Mark Green.

Ahmeti ka falënderuar Greenin për ndihmën dhe mbështetjen e vazhdueshme të Shteteve të Bashkuara të Amerikës (ShBA) përmes projekteve të USAID-it dhe MCC-së për Republikën e Kosovës dhe qytetarët e saj.

Në takim është diskutuar edhe qeverisja e mirë dhe bashkëpunimi me USAID-in në projektin TEAM-Komuna Transparente, Efektive dhe Llogaridhënëse, përmes së cilës është duke u synuar përmirësimi i vazhdueshëm në prokurimin publik dhe menaxhimin e fondeve dhe shpenzimeve publike.

/Epoka e re/