AKK-ja dënon kërcënimin ndaj kryetarit të Komunës së Mitrovicës

23 tetor 11:28

Asociacioni i Komunave të Kosovës (AKK) ka dënuar lidhur me kërcënimin ndaj Kryetarit të Komunës së Mitrovicës

 Në emër të komunave të Republikës së Kosovës, Asociacioni i Komunave të Kosovës dënon kërcënimin ndaj kryetarit të Komunës së Mitrovicës, Agim Bahtiri.

 “Kërcënimi përmes emailit me jetë ndaj Kryetarit, është kërcënim serioz, akt i ultë dhe tërësisht i papranueshëm në Kosovën demokratike. Asociacionin i Komunave të Kosovës kërkon nga organet e rendit që ndaj autorit apo autorëve të këtij akti të shëmtuar të merren të gjitha masat ligjore në mënyrë që të mbrohet autoriteti i të zgjedhurve lokal në komunën e Mitrovicës dhe në gjithë pushtetin lokal në Kosovë. Asociacioni i Komunave të Kosovës inkurajon udhëheqësit e Komunës së Mitrovicës në angazhimet e tyre të përditshme në shërbim të qytetarëve të komunës së tyre”, është thënë në reagimin e AKK-së.

 /Epoka e re/

Lajme të sponsorizuara

Të fundit
Ashtu si çdo risi teknologjike, makinat fluturuese po shikohen sot…