Ambasadori i Britanisë së Madhe, Nicholas Abbott është shprehur shumë i zhgënjyer me mosmiratimin e Kodit të ri Civil, i cili do ta rregullonte çështjen e bashkëjetesës mes të personave të gjinisë së njëjtë.

Abbott ka shkruar në llogarinë e vet në “Twitter” se është me rëndësi që gjuha në Kodin Civil dhe në debat t’i respektojë të drejtat e të gjithë njerëzve.

“Shumë i zhgënjyer që Kodi Civil nuk u miratua dje. Është e rëndësishme që gjuha në kod dhe në debat, të respektojë të drejtat e njeriut të të gjithë kosovarëve, përfshirë LGBTI+, në përputhje me Kushtetutën”, ka shkruar Abbott.

Të mërkurën ka dështuar të miratohet në Kuvendin e Kosovës, Kodi Civil, i cili do t’i hapte rrugë martesave në mes të personave të së njëjtës gjini.

Very disappointed that the Civil Code was not passed yesterday. Important that language, in the Code and in the debate, respects the human rights of all Kosovans, including LGBTI+ people, in line with the Constitution.

— Nicholas Abbott (@nickabbottfcdo) March 17, 2022