Ambasadori i Italisë thotë se do të përkushtohen që të punojë me institucionet e Kosovës për ta forcuar zhvillimin ekonomik

28 shtator 2020 | 16:07

Ministri i Infrastrukturës, Arban Abrashi, ka pritur  sot në takim ambasadorin e Republikës së Italisë në Kosovë, Nicola Orlando.

Ministri Abrashi falënderoi ambasadorin Orlando për mbështetjen e që Italia i ka dhënë Kosovës, duke shtuar se partneriteti me këtë shtet do të mbetet i përhershëm.

Ministri njoftoi ambasadorin për prioritetet e Qeverisë së Kosovës, konkretisht Ministrisë së Infrastrukturës, në ndërtimin e rrugëve dhe hekurudhave, për ta lidhur Kosovën me shtetet e rajonit, që do të ndikojë në zhvillimin ekonomik të vendit.  “Në takim po ashtu u diskutua edhe për rolin e Italisë në integrimin e Kosovës në Bashkimin Evropian, që ministri Abrashi e vlerësoi shumë angazhimin e ambasadorit dhe shtetit të tij për ta mbështetur Kosovën drejt integrimit. Ambasadori Orlando, tha se Italia do të mbetet e përkushtuar që të punojë me institucionet e Kosovës, për ta forcuar sundimin e ligjit, zhvilluar ekonomin dhe integrimin”, është thënë në njoftimin e Ministrisë së Infrastrukturës.

 

 

 

Lajme të sponsorizuara

Të fundit
Femra më seksi në botë, Kim Kardashian, i ka ngacmuar…