Ambasadori i Kosovës: Dje ishte ditë shumë e mirë

24 qershor 08:44

Ambasadori i Kosovës në Bruksel, Agron Bajrami, ka folur për samitin e djeshëm mes liderëve të Ballkanit Perëndimor dhe atyre të BE-së në Këshillin Evropian.

Bajrami ditën e djeshme e ka quajtur “shumë të mirë” pasi që, sipas tij, Kosova ka ofruar të gjitha argumentet e nevojshme.

Me anë të një postimi në Twitter, të cilit ai ka bashkangjitur një fotografi me presidenten Osmani, Bajrami ka thënë se Kosova ka ofruar të gjitha argumentet e nevojshme dhe se tani Kosova e pushon çështjen e vet, kjo për shkakun se, siç tha Bajrami, tani duhet të pritet verdikti i BE-së.

“Të enjten me presidenten Osmani në takimin e liderëve të Ballkanit Perëndimor dhe atyre të BE-së në Këshillin Evropian. Ishte një ditë e gjatë, por plot ngjarje dhe në fund të fundit shumë e mirë. Kosova ka paraqitur të gjitha argumentet e nevojshme. Tani e pushojmë çështjen tonë. Presim verdiktin e BE-së për liberalizimin e vizave”, ka shkruar ai.

 

 

 

Lajme të sponsorizuara

Të fundit
I dërguari i posaçëm i Gjermanisë për Ballkanin Perëndimor, Manuel…