Trajneri i Real Madridit, Carlo Ancelotti ka folur menjëherë pas humbjes nga Espanyoli, me rezultat 2-1, ndeshje kjo e vlefshme për javën e tetë në La Liga.

Pas ndeshjes, Ancelotti ka thënë se kjo ishte ndeshja më e keqe e sezonit dhe që e merituan humbjen.

“Ndeshja më e keqe e sezonit, duhet të jem i sinqertë. Luajtëm keq, asgjë nuk mund të them. Kur pranuan, u befasuam të gjithë. Humbja nuk ishte aksident, e merituam humbjen. Jemi shqetësuar, ky klub nuk është mësuar me humbje pas humbjes, duhet të rregullojmë gabimet që bëmë sot”, ka thënë Ancelotti.

“Pozita e topit ishte e pasaktë. Bisedova me lojtarët, ata e pranuan gjithashtu. Nuk ishim agresivë, humbëm shumë duele dhe nuk ishim vertikalë me topin”, ka deklaruar Ancelotti. Ndërkohë, Real Madridi është lider me 17 pikë.