Kandidatja për deputete, Besa Ismaili, ka reaguar pas vendimit të fundit të Gjykatës Kushtetuese, duke thënë se ky aktgjykim konfirmon, sipas saj, shkeljet e bëra nga pushteti aktual.

Ismaili theksoi se vendimi i Gjykatës Kushtetuese vërtetoi se zgjedhja e Nenad Rashiqit në postin e nënkryetarit të Kuvendit ka qenë antikushtetuese.

Postimi i plotë i saj:

Antikushtetueshmëria mbetet fakt politik dhe moral i Albin Kurtit dhe LVV-së

Vendimi i Gjykatës Kushtetuese e konfirmoi atë që dihej prej kohësh: zgjedhja e Nenad Rashiqit si nënkryetar i Kuvendit ishte antikushtetuese.
Nga shkelja e Kushtetutës, pushteti i Kurtit as nuk ka legjitimitet demokratik, as nuk përfaqëson dhe as nuk mund të flasë në emër të shtetit të së drejtës!