Sonte zhvillohen ndeshjet kthyese në Ligën e Evropës. Kualifikimin për çerekfinale në këtë garë thuajse e kanë siguruar Chelsea dhe Napoli pasi kanë fituar ndeshjet e para me rezultat 3-0 ndaj Dynamo Kyivit dhe Salzburgit.

Punë e vështirë e pret skuadrën e Arsenalit, e cila ka për detyrë ta përmbysë rezultatin e ndeshjes së parë që e humbi nga Rennesi (3-1).

Ekipi i dy futbollistëve shqiptarë, Granit Xhaka e Shkodran Mustafi, pati një paraqitje të mirë në fundjavë në derbin ndaj Manchester Unitedit dhe synon të njëjtën gjë ta bëjë edhe ndaj francezëve për ta arritur kualifikimin. Edhe skuadra e Sevillas, që ishte pritur të jetë një nga favoritet për të triumfuar në këtë garë, ka dështuar në përballje me Slavia Pragën (2-2), kurse tash i duhet shumë punë për ta siguruar kualifikimin. Punë më të lehtë pritet të ketë skuadra e Interit, e cila e pret Eintracht Frankfurtin.

Liga e Evropës

18:55 Dynamo Kyiv – Chelsea    (0-3)
18:55 Krasnodar – Valencia        (2-2)
18:55 Salzburg – Napoli             (0-3)
21:00 Arsenal – Rennes              (1-3)
21:00 Benfica – Dinamo Z.         (0-1)
21:00 Inter – Eintracht F.            (0-0)
21:00 Slavia Prague – Sevilla      (2-2)
21:00 Villarreal – Zenit               (3-1)

/Epoka e re/