Australia detyron “Google” dhe “Facebook” të paguajnë për lajmet

25 shkurt 2021 | 16:57

Australia ka miratuar ligjin e parë në botë që synon të bëjë “Google” dhe “Facebook” të paguajnë për përmbajtjen e lajmeve në platformat e tyre.

Legjislacioni i kodit të lajmeve ishte kundërshtuar ashpër nga gjigantët e teknologjisë amerikane. Javën e kaluar “Facebook” bllokoi të gjithë përmbajtjen e lajmeve për australianët, por ndryshoi vendimin këtë javë pas negociatave me qeverinë.

Pas bisedimeve, ligji u miratua me ndryshime të reja të cilat bëjnë të mundur që “Facebook” dhe “Google” të mos i nënshtrohen kodit. Sidoqoftë, të dy kompanitë tani janë zotuar të paguajnë shuma fitimprurëse për disa botues të mëdhenj australianë. Këto marrëveshje janë parë gjerësisht si një kompromis nga gjigantët e teknologjisë.

Ligji i Australisë është parë si një rast i mundshëm prove për rregullore të ngjashme në vendet e tjera për të marrë pagesa nga platformat digjitale për lajmet. Legjislacioni i ndryshuar u miratua në Dhomën e Përfaqësuesve këtë të enjte, pasi kaloi më parë përmes Senatit, thotë BBC./tch/

Lajme të sponsorizuara

Të fundit
E ardhmja e Kylian Mbappes dhe Neymarit zë vendin e…