Baraliu habitet me Albin Kurtin: Qysh ka eksportuar Kosova energji kur kryeministri vajtonte se nuk bën pa trefishuar tarifat?

13 mars 2022 | 19:43

Analisti Bleron Baraliu, ka shtruar një dilemë përmes një pyetjeje rreth eksportimit të energjisë elektrike.

Baraliu ka thënë se kryeministri Kurti ka vajtuar se nuk mund të eksportojmë energji pa u trefishuar tarifat, por tani po del se Kosova ka eksportuar energji.

Tutje, Baraliu ka shtruar edhe disa pyetje të tjera rreth kësaj teme.

Këtu keni postimin e tij të plotë:

“A mundet dikush me ma sqaru, si është e mundur që Kosova ka eksportuar energji gjatë kohës kur kryeminstri vajtonte se nuk bën pa trefishuar tarifat sepse jemi të detyruar të importojnë rrymë?! A mundet dikush t’a gjej se sa energji është eksportuar, si, pse, nga kush?!”, ka shkruar Baraliu në llogarinë e tij në Facebook.

Përndryshe, kujtojmë se Kosova nën udhëheqjen e Qeverisë Kurti është përballur me një krizë të jashtëzakonshme energjetike. Fillimisht ka pasur reduktime të mëdha në fundvitin e kaluar dhe më pas pasoi edhe shtrejtimi i energjisë elektrike. Kjo ka ngjallur pakënaqësi të jashtëzakonshme tek qytetarët e vendit.

Lajme të sponsorizuara

Të fundit
Super-jahti 513 milionë eurosh i miliarderit rus Roman Abramovich u…