Bashkimi, afër titullit

01 maj 2018 | 16:55

Bashkimi e ka fituar edhe ndeshjen e dytë finale të play-offit ndaj Penzës.

Ndeshja e luajtur në fundjavë në palestrën “Sezai Surroi” në Prizren ka përfunduar me rezultat 76:40.

Ndeshjen e parë prizrenaset e patën fituar me rezultat zyrtar 20:0, pasi loja ishte ndërprerë pas sulmit të ndihmëstrajneres së Penzës, Shqiponja Bytyqit ndaj gjyqtarit Blendi Fejza.

Në këtë mënyrë, Bashkimit i duhet vetëm edhe një fitore për të fituar titullin e kampionit.

Khadija Brown me 23 dhe Anastasia Williams me 21 pikë ishin më të merituarat për fitoren e skuadrës prizrenase, tek e cila pikë dyshifrore patën edhe Aulona Muhadri dhe Gresa Gashi, të cilat ndeshjen e përfunduan me nga 10 pikë. Në anën tjetër te Penza, Filloreta Krasniqi ishte më efikasja me 26 pikë të shënuara.

Fjalët Kyçe:

Lajme të sponsorizuara

Të fundit
Transformimi i Forcës së Sigurisë së Kosovës (FSK) në Forca…