Basketbolli fillon me ndeshjet e Superkupës

17 shtator 2019 | 16:33

Edicioni i ri në basketbollin e Kosovës pritet të fillojë me spektakël, pasi më 24 shtator palestra “Mizahir Isma” do të jetë arena e ndeshjeve të Superkupës.

Në konkurrencën e femrave nga ora 17:30 do të ballafaqohen Prishtina – Bashkimi, kurse nga ora 20:30 do të përballen Rahoveci – Sigal Prishtina te meshkujt. Të dy këto ndeshje do të transmetohen në “Art Motion”. Organizatorë të Superkupës janë Federata e Basketbollit e Kosovës (FBK) në bashkëpunim me Klubin e Rahovecit. Përgatitjet deri më tani për këto dy ndeshje po shkojnë sipas planit dhe pritet që të jetë një spektakël i rrallë i basketbollit në prag të fillimit të edicionit të ri, që pritet të jetë shumë interesant, sidomos me rikthimin e Pejës në garat e elitës.

Tifozët në Rahovec gjithmonë kanë krijuar atmosferë të jashtëzakonshme dhe kështu pritet edhe më 24 shtator. Një ngjarje që pritet të jetë madhështore sa i përket organizimit, por edhe tifozëve në tribuna dhe lojtarëve/eve në parket, pasi priten ndeshje mjaft interesante.

Fjalët Kyçe:

Lajme të sponsorizuara

Të fundit
Komisioni Qendror i Zgjedhjeve ka organizuar tërheqjen e shortit për…