Gazetari Baton Haxhiu beson që kryeministri aktual Albin Kurti duhet t’i kërkojë falje Kurtit opozitar.

Haxhiu ka thënë se Kurti është bërë peng i vetes.

Ai e ka akuzuar Kurtin për situatën aktuale në veri dhe marrëdhëniet e cenuara me ndërkombëtarët për shkak të vendimit për targat.

“Do të ishte mirë që Kurti kryeministër t’i kërkojë falje Kurtit opozitar. Ky është peng i vetvetes dhe për këtë fakt, ai na sjell në situata të palakueshme, duke e sjell Kosovën në këtë situatë. Nëse Kurti do të ishte racional e pragmatik, mendoj se situata me bashkësinë ndërkombëtare do të ishte ndryshe. Dhe situata në veri do të ishte ndryshe”, ka thënë Haxhiu në Pressing në T7.