BE-ja vendos të njëjtin mbushës për celularët

08 gusht 21:59

Bashkimi Evropian (BE), ka nisur përsëri çështjen e vendosjes së një mbushësi të përbashkët për telefona nga prodhues të ndryshëm, gjë që do të thotë se “Android” dhe “iPhone”,  së shpejti mund të përdorin të njëjtin ngarkues.

BE po shqyrton mundësinë e futjes së të njëjtit ngarkues të telefonisë mobile gati një dekadë që kur është raportuar se ka 51,000 tonë mbetje elektrike nga ngarkuesit e vjetër në Bashkimin Evropian.

Gjithashtu, përdoruesit e “iPhone” dhe Android shpesh ankohen për përdorimin e karikatorëve të ndryshëm, shkruan “Euractiv”.

Në përgjigje të presioneve të Bashkimit Evropian, 14 kompani, duke përfshirë “Apple”, “Samsung”, “Nokia” dhe “Huawei”, nënshkruan një memorandum vullnetar të mirëkuptimit në vitin 2009, me dëshirën për të harmonizuar modelet e tyre të telefonave të mençur, i cili duhej të paraqitej në treg në vitin 2011.

Pas përfundimit të memorandumit të mirëkuptimit në vitin 2012, disa kompani shkruan letra për synimet e tyre në vitin 2013 dhe 2014. Megjithatë, në BE thonë se nuk janë të kënaqur me statusin e tyre. “Duke pasur parasysh progresin e pakënaqshëm në këtë marrëveshje vullnetare, Komisioni së shpejti do të fillojë të vlerësimin e studimit të vlerësimit për kostot dhe përfitimet e opsioneve të ndryshme të tjera”, ka deklaruar komisionari për Mbrojtjen e Konkurrencës  në BE, Margaret Vestager.

 

Lajme të sponsorizuara

Të fundit
Me një shqipe të rrjedhshme, këngëtarja me famë botërore, Dua…