BE: SHBA-ja të rishikojë vendimin për tërheqjen nga OBSH-ja

30 maj 2020 | 19:17

Presidentja e Komisionit Europian, Ursula von der Leyen dhe kreu i Diplomacisë së BE-së i kërkuan sot SHBA-së të rishikojë vendimin për tërheqjen nga OBSH.

“Bashkëpunimi dhe solidariteti botëror përmes përpjekjeve shumëpalëshe janë e vetmja mënyrë efektive dhe e zbatueshme për të fituar këtë betejë me të cilën po përballet bota”, deklaruan Von der Leyen dhe Borrell duke iu referuar pandemisë së coronavirusit që ka prekur mbarë planetin.

“OBSH-ja duhet të vazhdojë të jetë në gjendje të drejtojë reagimin ndërkombëtar ndaj pandemive aktuale dhe të ardhshme. Për këtë, pjesëmarrja dhe mbështetja e të gjithëve është e nevojshme dhe thelbësore”, shtuan ata në një komunikatë.

“Përballë këtij kërcënimi botëror, ka ardhur momenti për të rritur bashkëpunimin dhe për të gjetur zgjidhje të përbashkëta. Duhet të shmangim veprimet që dobësojnë rezultatet në nivel ndërkombëtar. Në këtë kontekst, i kërkojmë SHBA-së të rishikojë vendimin e njoftuar”, shtojnë ata.

Presidenti amerikan, Donald Trump njoftoi dje se do t’i jepte fund marrëdhënies mes vendit të tij dhe OBSH-së, që e ka akuzuar që prej fillimit të pandemisë se po tregohet shumë e butë me Kinën, ku u shfaq për herë të parë coronavirusi para se të përhapej në mbarë planetin. /kp

Lajme të sponsorizuara

Të fundit
Çmimi i derivateve të naftës në Kosovë ka nisur të…