Beqaj: Ambasadori më i mirë për vendin janë produktet cilësore

17 janar 2018 | 16:21

Ministri i Inovacionit dhe i Ndërmarrësisë, Besim Beqaj, vizitoi të mërkurën prodhuesin farmaceutik “Tre Pharm”.

Beqaj shprehi përkushtimin e tij, për të përkrahur prodhuesit vendor me perspektivë për eksport dhe në krijimin e vendeve të punës

“Vizitova prodhuesin farmaceutik “Tre Pharm”, ku pash nga afër punën e mrekullueshme që po bëhet. Tre Pharm, një nga prodhuesit më të mëdhenj kosovar, kanë vizion zhvillimor me synim tregjet e huaja. Produktet inovative në sektorin e farmacisë “Made in Kosova” nuk gjenden në vendet e rajonit dhe po eksportohen përtej kontinetit Evropian, përmes teknologjisë më moderne. Shpreha përkushtimin tim si Ministër për të përkrahur prodhuesit vendor me perspektivë për eksport dhe në krijimin e vendeve të punës”, shkroi Beqaj në profilin e vet në “Facebook”. Sipas tij, ambasadori më i mirë për vendin janë produktet cilësore.

Lajme të sponsorizuara

Të fundit
Monedha virtuale “Bitcoin” për herë të pare shënoi rënie të…