Deputeti i Kuvendit të Kosovës nga radhët e Aleancës për Ardhmërinë e Kosovës (AAK), Ali Berisha, ka kërkuar të rregullohet e drejta e sigurimeve shëndetësore në vendin tonë

“Çështja e sigurimeve shëndetësore është një e drejtë elementare për të gjithë njerëzit, e kjo është shumë e rëndësishme, gjegjësisht për sistemin shëndetësor, atë juridik si dhe atij politikë. E them në këtë mënyrë se është çështje e rëndësishme duke e ditë që vendi ynë ka kaluar një luftë që kaloi me shkatërrim të shëndetit shëndetësor, tash e sa kohë”, ka thënë ai.

Më tutje, Berisha ka thënë se çështja e sigurimeve shëndetësore ka filluar që nga viti 2004.

“Nga vitit 2004 kanë filluar përpjekjet për të themeluar diçka për sistemin shëndetësor, po asgjë nuk është arritur. Të gjitha këto përpjekje kanë mbetur të pazbatueshme dhe kanë mbetur vetëm në letër”, ka thënë Berisha, duke shtuar se Kosova është një ndër vendet e vetme që nuk ka sigurime shëndetësore.

“Kosova është një ndër vendet e vetme që nuk ka sigurime shëndetësore. Mungesa e sigurimeve shëndetësore ka shkatërruar sistemin shëndetësor. Të parët që preken nga mungesa e sigurimet shëndetësore janë personat me asistencë sociale, personat me aftësi të kufizuara”, ka thënë Berisha.