Blinkeni, në vizitë të paparalajmëruar në Afganistan

15 prill 2021 | 16:27

Sekretari amerikan i Shtetit, Antony Blinken, ka bërë një udhëtim të paparalajmëruar në Kabul, për t’i njoftuar zyrtarët atje me planet e ShBA-së për tërheqjen e trupave deri më 11 shtator.

Vizita e Blinkenit vjen disa orë pas njoftimit të presidentit amerikan, Joe Biden, se ai do t’i japë fund luftës më të gjatë të ShBA-së, duke i kthyer në shtëpi 2 mijë e 500 trupat e mbetura amerikane në Afganistan.

Blinkeni ka takuar presidentin afgan, Ashraf Ghani, dhe zyrtarë të lartë amerikanë në Kabul.

“Me vizitën time, dua të demonstroj përkushtimin e vazhdueshëm të ShBA-së ndaj Republikës Islamike dhe popullit të Afganistanit. Partneriteti po ndryshon, por vetë partneriteti është i qëndrueshëm”, ka thënë Blinkeni pas takimit me Ghanin.

Ndërsa presidenti afgan, Ashraf Ghani, ka thënë se respektojnë e ShBA-së për tërheqjen e trupave nga Agfanisitini

Një ditë më herët, edhe NATO-ja ka njoftuar se 7 mijë ushtarët e saj joamerikanë në Afganistan do të largohen po ashtu nga ky vend, brenda disa muajsh.

NATO-ja, e udhëhequr nga ShBA-ja, ka ndërhyrë ushtarakisht në Afganistan në vitin 2001, pak javë sulmeve terroriste të 11 shtatorit në SHBA.

Që nga ajo kohë, mbi 2 mijë e 300 ushtarë amerikanë kanë humbur jetën në luftën në Afganistan.

Lajme të sponsorizuara

Të fundit
Presidentja e Kosovës, Vjosa Osmani, ka thënë se nuk do…