Bolton në Evropë, përgatitje për takimin Trump-Putin

25 qershor 2018 | 16:20

Këshilltari për siguri kombëtare i Shteteve të Bashkuara të Amerikës (ShBA), John Bolton, nis sot një turne në Evropë.

Ai pritet të takojë aleatët amerikanë në Londër dhe Romë, përpara se të udhëtojë drejt Rusisë, më 27 qershor.

Një zëdhënës i Kremlinit ka thënë, ditë më parë, se Bolton do të diskutojë me zyrtarët rusë mundësitë për takimin e presidentit amerikan, Donald Trump, me homologun rus, Vladimir Putin.

Ministria e Jashtme e Rusisë, ka thënë se Bolton do të takojë ministrin Sergei Lavrov, gjatë vizitës në Moskë.

Sekretari Amerikan i Shtetit, Mike Pompeo, ka thënë në fundjavë se Trump, me gjasë, do të takojë Putinin “në një të ardhme jo shumë të largët”.

Lokacioni i takimit të tillë nuk është zgjedhur, edhe pse zyrtarët kanë thënë se ai mund të zhvillohet në Vjenë. (Rel)

Lajme të sponsorizuara

Të fundit
Ministri i Inovacionit dhe Ndërmarrësisë, Besim Beqaj, ka thënë se…