BQK-ja shënon 20-vjetorin me një konferencë ndërkombëtare

19 nëntor 2019 | 08:12

Banka Qendrore e Kosovës (BQK) sot feston 20-vjetorin e themelimit. Për këtë ditë ajo ka organizuar një konferencë ndërkombëtare të nivelit të lartë me titull: “Rreziqet dhe mundësitë në një sektor financiar dinamik, rruga zhvillimore”.

Në këtë ngjarje pritet të marrin pjesë drejtuesit më të lartë të Fondit Monetar Ndërkombëtar (FMN), Bankës Botërore (BB), institucioneve të tjera financiare dhe drejtues të bankave qendrore nga rajoni dhe më gjerë.

Përveç fjalimeve të drejtuesve të lartë të shtetit, të BQK-së dhe të institucioneve ndërkombëtare, konferenca do të jetë e ndarë në katër sesione, ndërsa pritet që të prezantohet studimi “Qeverisja korporative e bankave në vendet e Ballkanit Perëndimor” si dhe do të nënshkruhet memorandumi i mirëkuptimit në fushën e qeverisjes korporative të bankave.

Guvernator i Bankës Qendrore të Kosovës, Fehmi Mehmeti, do ta hapë konferencën, ndërsa do të flasin edhe presidenti i vendit, Hashim Thaçi dhe zëvendësdrejtori i Fondit Monetar Ndërkombëtar, Tao Zhang.

Lajme të sponsorizuara

Të fundit
Ministrat e BE-së do ta diskutojnë sot situatën në fushën…