Brooklyn ngec sërish, Golden State ‘fluturon’ me Curryn
Golden State vijon të dominojë këtë sezon në NBA, duke korrur fitoren e nëntë. Warriors fituan me rezultat 127-113 ndaj Atlantas, ndeshje magjike për Stephen Curry, që realizoi 50 pikë e 10 asistime.
Suksesi mban këtë ekip në krye të renditjes në Konferencën e Perëndimit. Rikthehet te fitorja ekipi i Lakersave, që mundi me vështirësi 126-123 Charlotte.
Të pestë titullarët e Charlotte realizuan mbi 10 pikë, por që s’mjaftoi për të fituar. Për Lakersat u dalluan Davis me 32 pikë e 12 rebound, mbështetur edhe nga Anthony me 29 pikë. Mirë u paraqit edhe Westbrook me një “triple double” (17 pikë, 12 rebound, 14 asistime).
Zhgënjen sërish skuadra e Brooklynit, që pësoi humbje me rezultat 118-95 ndaj Chicago. Edhe pse Durant realizoi 38 pikë, ato s’mjaftuan. Për Bulls u dallua DeRozan me 28 pikë e LaVine me 24 pikë. Fiton edhe Denveri, që falë dyshes Jokiq-Barton (25 pikë secili), mundi me rezultat 113-96 Miamin.
Rezultatet
Philadelphia – New York 96-103
Chicago – Brooklyn 118-95
Minnesota – Memphis 125-118
Dallas – New Orleans 108-92
Denver – Miami 113-96
Golden State – Atlanta 127-113
Sacramento – Phoenix 104-109
Lakers – Charlotte 126-123