Kryetari i Komunës së Podujevës, Shpejtim Bulliqi dhe drejtori i Shërbimeve Publike, Bahri Selimi kanë përcjell nga afër punimet që po zhvillohen në ndërtimin e Stacionit të ri të Autobusëve në qytetin e Podujevës.

Kryetari Bulliqi gjatë kësaj vizite tha se projekti i stacionit të autobusëve po zhvillohet sipas planit dinamik.

“Presim që gjatë fillimit të vitit të ardhshëm të përfundojë si projekt, i cili do të bëjë edhe organizim më të mirë të komunikacionit, si dhe do t’i përmirësojë linjat e qarkullimit të autobusëve në fshatra dhe qytetet e tjera”, ka thënë Bulliqi.

Projekti i Stacionit të Autobusëve në Podujevë po realizohet në bashkëfinancim mes Komunës së Podujevës, Ministrisë së Zhvillimit Rajonal dhe Ministrisë së Infrastrukturës.