Piloti britanik Jenson Button, ish-kampion bote në Formula 1, ka parashikuar të tjera incidente në pistë mes Lewis Hamiltonit (Mercedes) e Max Verstappenit (Red Bull).

“Unë mendoj se në Monza fajin më të madh e kishte Max, pasi e mbylli shumë shpejt derën. Ndërsa në aksidentin e ndodhur në Silverstone ishte Hamiltoni ai që gaboi dhe ishte fajtor për kontaktin. Është e qartë se asnjëri prej tyre nuk heq këmbën nga gazi. Për pasojë, kjo është ajo që ndodh në pistë, ku aksidenti është i pashmangshëm”, ka thënë Button.

“Dyshoj se aksidenti në Monza do të jetë i fundit, pasi ka ende gjashtë gara deri në fund dhe diferenca mes dy pilotëve është e vogël. Kam frikë se deri në fund do të shohim edhe ndonjë përplasje tjetër, pasi secili dëshiron të përfitojë nga çdo centimetër në pistë”, ka shtuar Button.