Është Bylis skuadra më e mirë e këtij sezoni në Kategorinë e Parë. Ballshiotët mposhtën 3-1 Vllazninë në finalen e kësaj kategorie duke fituar trofeun e kampionit dhe duke konfirmuar se janë gati për Kategorinë Superiore.

Ishte një ndeshje me dy tablo sfida e zhvilluar në Niko Dovana të Durrësit. Në pjesën e parë Vllaznia bëri një figurë më të mirë madje arriti të kalonte në avantazh në minutën e 17-të me Ignat, raporton “ss”.

Gjithsesi skuadra e drejtuar nga Veljko Dovedan nuk e kishte thënë ende fjalën e saj në këtë sfidë dhe u zgjua në pjesën e dytë. Fillimisht Bylis barazoi rezultatin me golin e Antoni në minutën e 48-të, ndërsa më pas Bajramaj dhe Ujka përmbysën shifrat në 1-3 duke i dhënë një fitore të madhe skuadrës ballshiote që falë këtij suksesi arriti të arkëtonte plot 50 milionë euro, shifër kjo që FSHF ja jep skuadrës fituese të Kategorisë së Parë.