Superliga e Kosovës në basketboll vazhdon këtë javë me ndeshjet e xhiros së nëntë.

Përballja hapëse do të zhvillohet të premten, me fillim nga ora 17:00, ndërmjet Sigal Prishtinës dhe Vëllaznimit.

Kryeqytetasit vijnë pas fitores dramatike ndaj Pejës dhe synojnë të vazhdojnë me rezultate pozitive, ndërsa gjakovarët kërkojnë fitoren e dytë sezonale.

Të shtunën, nga ora 19:30, Bora rikthehet në palestrën “1 Tetori”, ku do të ballafaqohet me Yllin.

E diela sjell dy përballje të tjera, duke filluar nga ora 17:00 me duelin Peja – Trepça.

Pejanët nuk kanë shënuar fitore në kampionat që nga shtatori, kur kishin mposhtur pikërisht Trepçën në Mitrovicë.

Xhiroja përmbyllet në Prizren, ku Bashkimi pret Rahovecin 029.