Cakaj takohet me Zaevin, flasin për mbledhjen e përbashkët ndërqeveritare

18 shtator 2020 | 12:57

Ministri i Punëve të Jashtme të Shqipërisë, Gent Cakaj, ka takuar sot në Shkup edhe kryeministrin e Maqedonisë së Veriut, Zoran Zaev.

Ai ka bërë me dine se me Zaevin kanë folur për mbajtjen e mbledhjes së përbashkët ndërqeveritare dhe rëndësinë e punës së përbashkët për përparimin e mëtejmë në rrugën e anëtarësimit në Bashkimin Evropian.

“Lidhur me zhvillimet në rajon, mes tjerash, theksova se e vetmja zgjidhje e qëndrueshme në procesin e bisedimeve mes Republikës së Kosovës dhe Serbisë është ajo që përfshin njohjen e ndërsjellë. Ndërkohë, një lajm tjetër i mirë nga kjo vizitë: Maqedonia e Veriut do ta mbështesë Shqipërinë për t’u bërë anëtare e Këshillit të Sigurimit 2022-2023”, ka shkruar Cakaj në llogarinë e vet në “Facebook”.

(M.Q / Epoka e re)

Lajme të sponsorizuara

Të fundit
Ministrja e Kulturës, Rinisë dhe Sporti, Vlora Dumoshi, ka pritur…