Prej disa ditësh, moderatorja e Style Star Show, Kiara Tito ndodhet me pushime në Greqi. Ajo po shijon ditë relaksuese në Santorini.

Mirëpo, duket se jo gjithçka ka shkuar si duhet, pasi gjatë udhëtimit bukuroshja është përballur me një vështirësi. Këtë moment tensioni, ajo e ka ndarë në TikTok përmes një video ku shihet në tension dhe duke qarë. Shkaku ka qenë një anije. “Anijet janë një ‘Jo’ e madhe për mua”, ka shkruar Kiara krah videos.

Më tej në komente ka zbuluar se i ndodh gjithmonë për shkak të frikës dhe se as ilaçet nuk e qetësojnë.

Kujtojmë që aktualisht moderatorja po shfaqet çdo të premte në emisionin “Doktor Plastik” në ekranin e ABC.