Nënkryetarja e PDK-së, Vlora Çitaku, e ka quajtur skandaloze përpjekjen e kryeministrit Albin Kurti për t’u përzier në zgjedhjet e brendshme të Zvicrës.

Ajo ka vlerësuar se më mirë do të ishte që kryeministri të angazhohet për largimin e sanksioneve që BE-ja ia ka vendosur Kosovës.

Çitaku ka shkruar në “Facebook” se koston e sjelljes së tij po e paguan Kosova.

“Kryeministër, sa përzihesh vend e pa vend në punë të brendshme e në zgjedhjet parlamentare në rajon e Evropë, angazhoju pak me i largu sanksionet që i janë vënë Kosovës nga perëndimi. Skandaloz. Koston e sjelljes tuaj të papërgjegjshme po e paguan Kosova”, ka shkruar Çitaku.