City heq dorë nga Superliga, ky është reagimi i Ceferinit

21 prill 11:34

Tashmë është zyrtare! Manchester City ka hequr dorë nga planet për të krijuar një Superligë Europe, kompeticion shumë i kontestuar nga të gjithë në ditët e fundit.

Lajmin e bën të ditur vetë klubi anglez përmes një komunikate zyrtare për mediet, ku njofton se kanë nisur procedurat për largimin si klub themelues i Superligës europiane.

“Klubi i Futbollit Manchester City mund të konfirmojë se ka miratuar zyrtarisht procedurat për t’u tërhequr nga grupi i zhvillimit të Superligës Europiane”, shkruhet në deklaratë.

Direkt pas kësaj reagoi presidenti i UEFA-s, Aleksander Ceferin, që u shpreh: “Jam i kënaqur që mirëpres Manchester City sërish në familjen europiane të futbollit.
Ata kanë treguar inteligjencë të madhe. City është një pasuri e vërtetë për futbollin dhe unë jam i kënaqur që do punoj me ta për një të ardhme më të mirë”.

 

Lajme të sponsorizuara

Të fundit
Policia e Kosovës ka thënë se është duke hetuar rastin…