Çun Lajçi: Lehtë është me iu shtru bukë hoxhallarëve e pushtetarëve

09 maj 23:52

Aktori Çun Lajçi, i cili po trajtohet në Kliniken e Pulmologjisë në QKUK, ka kritikuar personat të cilët po shtrojnë iftar për prijës fetar e udhëheqës shtetëror, duke thënë se bamirësia bëhet me persona të shtrirë në spital.

Përmes një postimi në Facebook, Lajçi u ka bërë thirrje që të shkojnë në spitaleve për të parë gjendjen e pacientëve.

Aktori gjendet i shtrirë në Klinikën e Pulmologjisë, si pasojë e rëndimit të gjendjes nga infektimi me koronavirus.

Postimi i plotë:

( Ju as me kuptu as me lexu?!)

Ju “sevaplitë” e Iftareve

* Leht asht me iu shtrua bukë me tana t’mirat e xhehnetit muftive, hoxhallarve e pushtetarve, ditën e bajramit e Natën e Kadrit!

Por

* A e dini se sevapi fitohet edhe me të dërgjaftët e spitaleve (pos me jetima e fukara) e jo me t’pushtetshmit që iu vjedhin çdo ditë e milionerët që s’dinë kah i fituen paret?

*

A, s’asht sevap (nëse e keni për sevap e jo për biznis), me iu pru hurma Arabie e mish Kosove e bakllava Stambolli, nanave tueja, motrave tueja, baballarve tuej, të shtrimë nga covidi këtu n’zemrën e qytetit?

Këta s’kan ramazan, se s’i lejon smundja, por kalori iu duhet shumë ma shumë mushknive t’grimcueme!

*

Si s’iu vjen marre me dhanë aty ku s’duhet e me rrejtë Zotin në Natën e Kadrit o “sevapli” që edhe ju jeni mbushë gjynahe!

*

Ejani spitaleve e kqyrni se njerëzit e juve dërgjavën nga virusi e Zoti, (jo dushmanat) e ju shisni mend me tryeza plot shesheve e pazareve!

Hej

Ku janë dofar zemërgjanësh si Behgjeti e Lazim Destani që shkepshin dikur bombona e fiq Arabie kur ktheheshin nga Haxhi!?

*

Nga spitali, po iu shkruen njeni që s’rrin rehat n’amelet e veta e bërtet “Ikni Çuni ikni Çuni”!

Jo po, ikni vallahi se Covidi edhe juve iu nxuni!

Pulmologji, 09.05.2021

Lajme të sponsorizuara

Të fundit
Këngëtarja shqiptare me famë botërore Bebe Rexha ka folur publikisht…