Dardan Molliqaj zgjedhet kryetar i ri i PSD-së

15 dhjetor 13:44

Pas dorëheqjes së Shpend Ahmetit nga posti i kryetarit të PSD-së, kjo parti sot ka zgjedhur kryetarin e ri, Dardan Molliqaj.

Lajmin e ka bërë me dije për gazetën “Epoka e re” zëdhënësja e PSD-së, Natyra Kuçi.

Molliqaj ka marrë sot besimin e Kuvendit të PSD-së si organi më i lartë vendimmarrës.

Ai përmes votimit të fshehtë ka marrë 83.7% të votave për, duke u zgjedhur kështu kryetar i PSD-së.

Shpend Ahmeti ka bërë me dije se për shkak të përgjegjësisë pas rezultatit zgjedhor të 6 tetorit, ka marrë vendim për t’u tërhequr nga pozitat në këtë subjekt partiak dhe tash e tutje për të vazhduar angazhimin e tij vetëm si kryetar i Komunës së Prishtinës.

PSD-ja në zgjedhjet e 6 tetorit hyri në koalicion parazgjedhor me AAK-në, dhe nuk arriti që asnjë kandidat i saj të bëhet deputet.

/Epoka e re/

Lajme të sponsorizuara

Të fundit
Reprezentuesi i Kosovës në futboll, Milot Rashica ka realizuar një…