Dedaj: Kosova të pranohet në Këshillin e Evropës dhe NATO
05 maj 2022
| 16:21
Ish-ambasadori i Kosovës në Maqedoninë e Veriut, Gjergj Dedaj, i shoqëruar nga veprimtari Sali Bislimi, në ditën e dytë të vizitës në Parlamentin Evropian (PE) është takuar me ish-presidentin e Katalonisë, Carles Puigdemont.
Me këtë rast, Dedaj ka thënë se është koha që Kosova të pranohet në Këshillin e Evropës (KE) dhe në NATO. Po ashtu ai ka kërkuar që të hapen edhe negociatat për anëtarësimin e Kosovës për anëtarësim në BE.
Sipas Dedajt, Carles Puigdemont, ka thënë se Kosovës duhet t’i liberalizohen vizat dhe institucionet e BE-së duhet të jenë “shtëpia” e Kosovës.