Demarkacioni sot në Kryesi të Kuvendit
05 shkurt 2018
| 08:35
Kryesia e Kuvendit të Kosovës do të takohet sot, ku ndër pikat e rendit të ditës është edhe marrëveshja e demarkacionit të kufirit me Malin e Zi.
Pos demarkacionit, pikë tjetër e kësaj mbledhje është edhe interpelanca e kryeministrit, Ramush Haradinaj, sipas kërkesës së grupit parlamentar të Lidhjes Demokratike të Kosovës (LDK) lidhur me vendimin e Qeverisë së Kosovës për rritjen e rrogave të anëtarëve të kabinetit qeveritar.
Në mbledhjen e Kryesisë do të diskutohet edhe shqyrtimi i parë i Projektligjit për ndryshimin dhe plotësimin e Ligjit për të Huajt.