Deputetja e Partisë Demokratike të Kosovës, Ganimete Musliu, pak para votimit të ushtrisë në Kuvend, ka bërë homazhe tek kompleksi memorial në Marinë të Skenderajt.

“Për vendimin historik që do të marrim sot për bërjen e Ushtrisë së Kosovës përkulemi gjithmonë falënderues e mirënjohës para Dëshmorëve e Heronjve të Kombit. Bashkë me Rininë Demokratike në Skenderaj sot nisem ditën në Kompleksin memorial të Heronjve në Marinë për nderë të 20-vjetorit të rënies së Mujë Krasniqit dhe 40 Dëshmorëve të Kombit. Me Ushtrinë e Kosovës, finalizohet misioni i tyre në këtë 20 vjetor. Urime Kosovë! Lavdi Dëshmorëve të Kombit!”, ka shkruar Musliu në llogarinë e saj në “Facebook”.