Ministri i Jashtëm italian, Luigi Di Maio, deklaroi para komisionarëve parlamentarë, se pesë ushtarët italianë të lënduar nga një bombardim i ISIS-it në Irak, do të kthehen në Itali.

Ai njoftoi se tre prej tyre ndodhen në gjendje të rëndë.“Këtë pasdite personeli ushtarak i dëmtuar në sulmin në Irak, për të cilin ISIS ka marrë përgjegjësi, do të kthehet në atdhe”, deklaroi Di Maio.  Ministri theksoi se qeveria i qëndron pranë personelit ushtarak italian jashtë vendit, të cilët rrezikojnë jetët e tyre çdo ditë./ATSH/