Distria Krasniqi e mbyll vitin në vendin e parë të renditjes botërore
Xhudistja e Kosovës, Distria Krasniqi e ka mbyllur vitin 2023 si lidere e renditjes botërore të xhudistëve. Kampionia olimpike e mbylli këtë vit të suksesshëm që e kishte në vendin e parë pasi i grumbulloi 7715 pikë.
“Ajo është një dhuratë që vazhdon të na dhurojë gjëra. Distria Krasniqi e gjeti lavdinë olimpike në kategorinë deri në 48 kilogramë, ndërsa më pas ia vuri syrin një sfidë të re, kalimin në peshat deri në 52 kilogramë, që ishte e njohur më parë në Kosovë pasi mbulohej nga Majlinda Kelmendi”, thuhet në njoftimin e Unionit Evropian të Xhudos.
Krasniqi e nisi vitin në mënyrë fantastike duke e fituar medaljen e artë në “Paris Grand Slam”, për ta pasuruar koleksionin e saj të medaljeve. Ajo fitoi edhe medalje të tjera gjatë vitit, ndërsa tash do të bëhet gati për Olimpiadën e Parisit, ku synon medalje prapë.
Rezultatet e “Disit” në vitin 2023: Medalja e artë në “Paris Grand Slam”, kurse medaljen e argjendtë e fitoi në “Tbilisi Grand Slam”, “Hungary Masters”, “Baku Grand Slam”, “Kampionati Evropian” dhe medaljen e bronztë në Kampionatin e Hapur Evropian në Prishtinë.
World #1 Distria KRASNIQI ??
2023 Results:
? Paris Grand Slam ??
?Tbilisi Grand Slam ??
?Hungary Masters ??
?Baku Grand Slam ??
?European Championships ??
?European Open Championships ??Read More ?https://t.co/CU0prlKucz#EuropeanJudo #endofyear #worldranking pic.twitter.com/FTt44HVjFA
— European Judo Union (@europeanjudo) December 27, 2023